Kot rèv

Kot rèv mal kreve sezaryèn vil pa reyisi
Epòk solèy krizokal dedjennen reyon
Frennen tout lonbray ki gen foli moun
Sèl lanmou m fè s on pa chat nan lanmò
Satouyèt vag
Karese ble
Lanmè dous pase fyèl
Lekzil sou papye aprann mwen graje mo
Kritik prefere ma a
Yon konprès pou lafyèv yo
Lanmèd pou tout mont lè midi vèse san
Simityè m pwopoze s on Paradi
Kap kriye pou jèb flè

Inéma Jeudi