Petite trouvaille perdue dans une de mes correspondances…
Merci à Audrey qui sans le savoir m’a permis de remettre la main sur ce texte.
![OLYMPUS DIGITAL CAMERA Pwan Plézi](http://media.paperblog.fr/i/594/5940998/pwan-plezi-L-LqwBqS.jpeg)
Tout koté man ka kouri
Kon fol ki two pè ped la vi
Mwen ka gadé imaj mwen ka flétri
Man ka sonjé sa ou té di mwen
Ki tout chimin razié pa pou mwen
Ki kouri kon fol pa key minin ayen
pwan tan, pwan tan respiré
pwan tan pou joué, pwan tan pou rêvé
Fok ou savé, pou tout rev ou ka prié
Ni an lo zétoil baw ki key kléré
Lévé tet ou é gadé, yo la pou vou, yo ka brillé
Mwen té pè, lè mwen tan tchè mwen chanté
Chanté lespwa kon désespwa, sa vré
I mandé mwen poutchi man lé
an lanmou stressé, two pressé, two kolé pressé
épi an ki nonm ki pa sérié pou diré
Sa ki rivé? jounou mwen plié, tet baissé, man ka pléré
pwan tan, pwan tan respiré
pwan tan pou joué, pwan tan pou rêvé
Fok ou savé, pou tout rev ou ka prié
Ni an lo zétoil baw ki key kléré
Lévé tet ou é gadé, yo la pou vou, yo ka limé
Tan ja passé, é mwen ka sonjé
Lè mwen té ka séré bod lan mè pou prié
Jounou a tè, yo té ka Caressé mwen
Ki ven, ki soley, yo té ka joué épi la po mwen
Ou té toujou di mwen pa ni bon ou mové chimin
I ni pliziè chimin, mé sel ki tan mwen, sa key ta tchè mwen
pwan tan, pwan tan respiré
pwan tan pou joué, pwan tan pou rêvé
Fok ou savé, pou tout rev ou ka prié
Ni an lo zétoil baw ki key kléré
Lévé tet ou é gadé, yo la pou vou, yo ka limé
Man pwan kouraj pou gadé kô mwen
Man rikoumencé ri, souri, pwan plézi
Mwen souri ba mwen, karessé la po mwen
Mwen finmin zié mwen, ka sonjé lé la vi té ka ri
Mwen sonjé tout chalè la vi té ja poté ba mwen
man rété la, ka rikoumencé ri, souri, pwan plézi
pwan tan, pwan tan respiré
pwan tan pou joué, pwan tan pou rêvé
Fok ou savé, pou tout rev ou ka prié
Ni an lo zétoil baw ki key kléré
Lévé tet ou é gadé, yo la pou vou, yo ka limé
Ecrit à Audrey, 14 novembre 2010