Anil GOPAL (Île Maurice)

MWA KI MWA ?
Zot dimann mwa, mwa ki sann-la ?
Zot anvi kone mwa ki mwa ?
Mwa ki mwa ?
Mwa mo mwa, mwa mo twa !
Mo seve briye ar soley lafrik,
Mo figir skiptir asyatik otentik,
Mo koz morisyin ek bojpuri,
Mo servi franse, mo itiliz angle,
Mo konsom ek viv lor liberte iniversel,
Mo vener Krisna,
Mo lue Buda,
Mo’ador Zezi Kris,
Mo kontan Mohamed*,
Mwa ki mwa ?

* Ki lape lor Li

Anil Gopal