Qurayshiyah DURBARRY (Île Maurice).

4 la lignes coule depi mo plime
Plime nef, 1 gro tas lenk kuma li tous r papier
Kuma niaz noir le passer menas moi
Apre 1er jet lencre, plime kumans carroter
Li raye ene la ligne blan, ek 3 points
Vide, le present guet moi
Dan lattente, mo contigne rayer,
Ene plime nef, pa kapav fer fos
Dousmen dousman lencre desane
Bane alfabet flou lor papier
Bane mots ki mo tracer pa ressi fer sens
Perdi dan brouyar, le futur akeyer moi
Present, passe ek futur dan 3 la ligne
Zot zoine pu poz ene kestion
Lor dernier la ligne, plime glisser
Ki sanla toi ? zot in demander.