Suvveniri di a Casa Morta.
.
Ssa miserai ùn hè a me miseria ?
Aghju troppu sunniatu, è sunnià era u me lussu
So tanti ad essa riligati
Tanti ad essa scantati
Ùn ci hè più strada per iddi
Chi porti versu l’umanu
.
È ghje’ eru un omu com’è iddi ?
Mancu, ghje’ so firmatu un omu
Un aristocratu hè sempri un omu
L’altri ? Veda…
.
Ancu cù a funi à u codu saraghju sempri un sgiò
Mi vurrani fà u servu
Mi diciarani ch’ùn sò di qui
A rivolta pà un sgiò, hè una scimizia !
.
Ci hè ssu ghjàcaru daretu à i casimenta, Charik,
Chi vali quant’è no
Li demu qualchi bucconu, spartimu cun iddu
Charik hè un vechju suvveniri di vechji sinsasioni
Quand’i l’affizzioni…
.
Oh un pocu d’affizzioni !
.
Eru un omu ancu cù a funi à u codu
Quand’i u boia facia neci
Ghjustu par truncammi sinu à l’eternu
Eru un omu sinu à a me falsa mortu
.
Mora pudia avè un sensu
Ma viva in a casa morta
.
À i bagna i mani di u servu mi cacciani lutu
L’acqua calda miscia
Unu stagnolu d’acqua calda pà un soldu imprubàbili
È l’omini nudi in tuttu, schèlatri dirisorii
Cù catena à i peda
Si lavani
.
.
.
.
.
Souvenirs de la Maison Morte
..
Cette misère, est-ce la mienne ? J'ai trop rêvé, mon seul luxe, voilà. ils sont beaucoup, les exilés, beaucoup les écartés. Plus de route possible, pour eux, qui mènerait vers l'humain. et moi, un homme sans doute, comme eux ? Je suis demeuré tel, oui, un homme. l'aristocrate l'est toujours. les autres ? À voir...
.
même avec la corde au cou je serai toujours un seigneur et ils voudront me servir, me disant, vous êtes d'ailleurs la révolte est un folie monseigneur, une folie pour un seigneur. il y a ce chien derrière le baraquements, Charik, on vaut autant que lui en fait, on lui donne à manger, on partage ; Charik vieux souvenir de nos vieux sens, quand l'affection...
.
ah ! Un peu d'affection...
.
j'étais un homme oui même la corde passée au col le bourreau faisait semblant, pour me briser, là, définitif, j'étais un homme jusque là jusqu'à
.
ma mort feinte
.
mourir,
signifie, peut-être
mais vivre, dans une maison morte...
.
aux bains des mains serviles m'ôtent la crasse, l'eau chaude coule. un baquet d'eau chaude pour un rouble pas sûr et les hommes, dépouillés nus, squelettes dérisoires, les chaines aux pieds se lavent.
.
.
.
.
in --- Parichji Dimonia --- Ed. Albiana --- 2002
.
.
..
Ad. Stefanu Cesari
.
.
.
Ill. Philippe Reymondin ©
.
.
.technorati tags: Marcu Biancarellipuesia corsapoesie corsecorsican poetry